An engem flotte Projet hunn d’Schüler aus der Voie de préparation d’Mauere vum Lycée Josy Barthel Mamer verschéinert, dëst ënnert der Leedung vun de Kënschtler Daniel Mac Lloyd a Raphael Gindt aus dem “Kamellebuttek”. Ënnert deene villen impressionante Biller ass och ee Portrait vum Josy Barthel, deem säin Numm mir als Lycée ganz houfreg droen. A Präsenz vun der Famill Barthel, dem Här Daniel Mac Lloyd, de bedeelegte Schüler an Enseignante goufen d’Konschtwierker elo vum Här Christnach offiziell ageweit. E Merci geet u jiddereen, dee bei dësem Projet matgehollef huet.