Den 23. Juni 2019 op Nationalfeierdag verwandelt dat klengt Dierche Lellgen sech erëm fir een Dag an eng lieweg a faarwefrou Galerie ënner fräiem Himmel. Anzwëschen iwwer Grenze vun eisem Land eraus bekannt, zitt de Festival all Joer ronn 5.000 Visiteuren un.

Ee prall gefëllte Programm, mat 100 Kënstler déi live op der Plaz hier Wierker entstoe lossen, Strossekënstler, Strossentheater, Walkacts an interaktiv Ateliere fir déi kleng mécht de Konstfestival och dëst Joer zu engem Erliefnis fir Jonk an Al.