D'Equipe "Matt Kompetenz an d'Zukunft" huet dëser Deeg säi Wahlprogramm ënner d'Leit bruecht.
Niewt deenen Projeten déi schons am Virfeld vun der Fusioun annoncéiert an och am Fusiouns-Gesetz festgehale goufen, huet d'Equipe eng Reih nei Iddeën an Akzenter aus de Beräicher "Infrastruktur a Mobilitéit", "Gesondheet a Soziales", "Schoul a Bildung", "Kultur an Tourismus", "Informatioun a Biergerkontakt", "Energie, Ëmmwelt a nohalteg Entwécklung" esou wéi "Gemengefinanzen, Budget an Ënnerstétzung vun der Wirtschaft" an hierem Informatiounsblad konkretiséiert.
Desweideren gëtt op d'Wahlversammlungen den 29. September zu Boermereng, den 3. Oktober zu Bech-Maacher an den 5. Oktober zu RIemeschen higewisen.