De 4. Juni 2025 huet d’Gemeng Schëffleng d’Laura Thorn gefeiert, eng talentéiert Kënschtlerin a stolz Representantin vu Lëtzebuerg beim Eurovision Song Contest zu Basel, a der Schwäiz.

D’Laura, gebierteg vu Schëffleng, huet de Concours mat senger aussergewéinlecher Leeschtung am Mee gepräägt an de Publikum mat senger Energie a sengem Charisma verzaubert. Fir dësen Erfolleg ze ënnersträiche, gouf eng Zeremonie zu Éiere vum Laura am Schëfflenger Haff organiséiert, wou de Gemengerot, verschidde lokal Acteure, sou wéi dem Laura seng Frënn, Famill a ee vu sengen Dänzer zesumme koumen.

D’Gemeng Schëffleng ass houfreg ze gesinn, wéi ee jonkt Meedchen aus der Gemeng sech zu enger erfollegräicher a villverspriechender Kënschtlerin entwéckelt huet. Dëst Event war e Moment vun Unerkennung an Austausch, deen d’Leeschtung vun enger inspiréierender Fra ënnersträicht déi d’Faarwe vu Lëtzebuerg mat Stolz vertrueden huet.

Felicitatioune fir d’Laura Thorn fir säi bemierkenswäerten Erfolleg!