Den 19. November huet de Schäfferot vun der Gemeng Conter op den Dag vum Bam fir déi Neigebueren invitéiert. 22 Elteren hunn zesumme mat eisem Service jardinage, mat eiser Ëmweltkommissioun a mam CTF Mutfert-Méideng de Bam fir de Joergang 2021 an de Buedem gesat an hire Meter Heck (ee pro Neigebuerenen) geplanzt.

D’Buergermeeschtesch Marion Zovilé-Braquet, d’Schäffe Fernand Schiltz an Tom Jungblut a Membere vum Gemengerot hunn un der Planzaktioun deelgeholl. No der Planzaktioun huet de Schäfferot all d'Participanten op e gudde Schocki an op Glühwäin invitéiert.