Am Kader vun hirer Missioun sinn d'Péitenger Geschichtsfrënn am gaange fir Donneen ze sammlen déi d'Liewen an der Gemeng Péiteng virum 2.Weltkrich beschreiwena fir déi dann opzeschreiwen an dann an engem näxte Geschichtsfuerscher ze publizéieren.
D'Geschichtsfrënn wieren frou, wa Leit déi eppes iwwer déi Period z'erziele wéissten sech ginge bei hinne mellen an hinne matzedeelen op si bereet wire fir un engem Interview deelzehuelen.Et ass virgesinn är Aussoen mat Hëllef vun engem Dictafon z'enregistréieren, fir dass näicht vun deene wervollen Informatiounen verluer geet.
D'Interviewen fannen am Prinzip am Kulturzentrum " a Rousen "zu Péiteng statt. Fir Leit déi net méi esou mobil sinn, kommen Geschichtsfrënn och gäre bei iech heem.

Wann dir intresséiert sidd fir matzemaachen, dann huelt w.e.g. Kontakt mat eis op an zwar op der Tel.Nr: 26652222 oder iwwert Email: histpeta@pt.lu

D'Péitenger Geschichtsfrënn soen iech elo schon Merci fir är Mataarbecht.