Am Kader vun 150 Joer Gemeng Schëffleng huet de Schäfferot gëschter op d’Aweiung vun eiser éischter Open Air Gallery invitéiert. D’Invitéeë sinn zesummen op eng Rees duerch 150 Joer Erënnerunge gaangen, wou d’historesch Fotoen net nëmmen d’Entwécklung vun eiser Gemeng dokumentéiert hunn, mee och vill Momenter, Geschichten a Stëmmungen aus der Schëfflenger Vergaangenheet erëm ervirbruecht hunn.

Dir kënnt Iech d’Ausstellung, déi sech um Vëloswee laanscht d’CFL Mauer tëscht Hudelen an der Rue du Pont befënnt, zu all Moment ukucke goen.