Ausstellung „Indésirables ? Victimes oubliées“

D’Ausstellung „Indésirables ? Victimes oubliées“ vum Resistenzmusée erfuerscht déi manner bekannte Geschicht vu marginaliséierte Gruppen, déi wärend der Nazi-Besatzung zu Lëtzebuerg verfollegt goufen.

Dës Expo stellt d’Leed vun deene Mënschen an de Mëttelpunkt, déi als « aneschters » ugesi goufen – national, reliéis oder sexuell Minoritéiten, souwéi Persoune mat enger Behënnerung –, déi no dem Krich meeschtens ignoréiert goufen.

D’Ausstellung zitt eng Verbindung tëschent dësen Ongerechtegkeete vun der Vergaangenheet an der Forme vun Diskriminatioun, déi haut, trotz dem Engagement vun Institutioune wéi dem Europarot, nach bestoe bleiwt.

Mat Liewensgeschichten a pädagogeschen Outile reegt si d’Visiteuren·sen dozou un, iwwer Virurteeler nozedenken an eiser Gesellschaft a se mat engem kritesche Bléck ze betruechten.

Dës zweesproocheg Ausstellung (Franséisch/Englesch) ass vum 28. Juli bis den 18. September an der Salle Grand-Duc Jean, wärend den Ëffnungszäite vun der Gemeng (8:00-12:00 a 14:00-17:00) zougänglech. De Vernissage war den 28. Juli um 18:30 Auer.