Um dësjärege Commemoratiounsdag war d’Musek Gemeng Dippech erëm mat vill Engagement a Stolz dobäi. Wéi all Joer huet d'Musek un dëser wichteger Zeremonie deelgeholl, fir de Gefalene vun de Kricher an allen Affer vu Gewalt an Onfräiheet ze gedenken.

D’Musek huet mat hirem musikalesche Bäitrag fir en héichwäertege Kader gesuergt an domat d’Feierlechkeeten zu engem besonnesche Moment vun Zesummenhalt an Erënnerung gemaach. D’Präsenz vun der Musek Gemeng Dippech ass ëmmer e wichtege Bestanddeel vun dësem Dag, dee Symbolcharakter fir d’Gemeinschaft huet.

Besonnesch war dëst Joer, datt d’Musek fir d’éischt Kéier offiziell an hirer neier Uniform opgetrueden ass. Dës nei Uniform symboliséiert en neit Kapitel an der Geschicht vun eiser Musek – modern a frësch an awer mat Respekt weider an der Traditioun.

De Comité an d'Musikanten hunn sech iwwer déi positiv Resonanz aus der Bevëlkerung gefreet a soen e grousse Merci un d'Dippecher Gemeng wéi och all deenen, déi dës Erneierung méiglech gemaach hunn.

Mat vill Teamgeescht an engem neie Look geet d’Musek Gemeng Dippech weiderhi mat Freed a Passioun un hir musikalesch Missioun: d’Leit mat Musek zesummenzebréngen.